МОНГОЛЫН ҮНДЭСНИЙ ОЛОН НИЙТИЙН РАДИО ТЕЛЕВИЗИЙН ЕРӨНХИЙ ЗАХИРАЛ Г.ГЭРЭЛ

Ганхуяг овогтой Гэрэл нь Монголын Үндэсний Олон Нийтийн Радио Телевизийн Ерөнхий захирлаар 2024 онд томилогдон ажиллаж байна.

Монгол Улсын Их Сургуулийг Олон улсын сэтгүүлч мэргэжлээр төгссөн. Эдийн засгийн ухааны магистрын зэрэг хамгаалсан. 2001 онд сурагч ахуй оюутан цагаасаа эхлэн телевизийн анхны “Өглөө хөтөлбөр”, оройн цагийн чөлөөт хөтөлбөр “Гэрэлтэй цонх” -ийг хөгжүүлэхэд оролцож, үзэгчдэд танил болсон уран бүтээлч юм. 

МҮОНРТ-д “Өглөө хөтөлбөр” хариуцсан албаны дарга, “Нэвтрүүлгийн бодлого төлөвлөлтийн албаны дарга”, Стратеги төлөвлөлт, маркетингийн газрын дарга, Дэд захирал зэрэг албыг хашиж байсан.

ОНРТ-ийн тухай хуулийг чанд мөрдөж, мэргэжлийн телевиз радиогийн уран бүтээлийг илүүтэй хөгжүүлж, ил тод нээлттэй байх зарчмыг эрхэмлэдэг.

МОНГОЛЫН ҮНДЭСНИЙ ОЛОН НИЙТИЙН ТЕЛЕВИЗИЙН ТАМГЫН ГАЗРЫН ДАРГА Г.БАТЗАЯА

Ганболд овогтой Батзаяа нь МУИС-ийг 2002 онд төгсөж, 2003 онд Монголын радиогийн "Хурд" агентлагт сурвалжлагчаар ажилд оржээ. 

Тэрээр МҮОНРТ-д парламентын сурвалжлагч, тоймч, албаны дарга, Ерөнхий продюсер, Нэвтрүүлгийн хэлтсийн дарга, Монгол Улсын ЗГХЭГ шинжээч, МҮОНР-ийн захирлын үүрэг гүйцэтгэгч, МҮОНР-ийн Захирал, МҮОНРТ-ийн Тамгын газрын даргын үүрийг түр орлон гүйцэтгэгчээр томилогдон ажиллаж байсан туршлагатай. 

Монголын хэвлэлийн хүрээлэн, Шведийн Олон улсын хөгжлийн агентлаг, АНУ, Австралийн Нью Кастлын Их сургуульд гадаад хэлний болон мэргэжил дээшлүүлэх сургалтад хамрагдаж, МУБИС-д нийгмийн ухааны чиглэлээр магистрын зэрэг хамгаалсан байна.

МОНГОЛЫН ҮНДЭСНИЙ ОЛОН НИЙТИЙН РАДИОГИЙН ЗАХИРАЛ Ц.БЯМБАЖАРГАЛ

Цэвээн-Очир овогтой Бямбажаргал нь 2007 онд БНСУ Кимганы их сургуулийг дэлхийн соёл судлалаар төгссөн. 

Суралцаж байх хугацаандаа МЖЛ радио, сайт үүсгэн байгуулалцаж редактораар ажиллаж байсан. 2012 оноос Seven TV ерөнхий найруулагчийн албанд томилогдон ажилласан. 

2013-2017 онд ACE энтертэйнмэнтийн найруулагч. 2016-2024 онд Окс анимейшн студийн арт директор, 2020-2024 онд ТВ 7 телевизийн гүйцэтгэх захирлын албан тушаалд томилогдсон. 

2024-2025 онд Хөх тэнгэр радиогийн продюсероор ажиллаж байсан туршлагатай.

МОНГОЛЫН ҮНДЭСНИЙ ОЛОН НИЙТИЙН ТЕЛЕВИЗИЙН ЗАХИРАЛ М.ЭРДЭНЭБАТ

Магван овогтой Эрдэнэбат нь 1995 онд Дорно дахины утга зохиолын дээд сургуулийг сэтгүүлч мэргэжлээр төгсөж улмаар МУБИС-д Сэтгүүл зүйн магистрын зэрэг хамгаалсан. 1995 онд тухайн үеийн МРТХЭГ-ын Монголын Радиогийн “Шинэ эрин” радио станцад сурвалжлагчаар орж ажлын гараагаа эхэлсэн. 

1996 онд Мэдээллийн “ММ” агентлагт сурвалжлагчаар шилжин ажиллаж өнөөдрийг хүртэл тогтвор суурьшилтай ажиллаж байна. Энэ хугацаанд телевизийн сурвалжлагч, редактор, албаны дарга, нэвтрүүлгийн зөвлөлийн гишүүн, Утга зохиолын нарийн бичгийн дарга, программын дарга, Телевизийн захирлын үүрэг гүйцэтгэгч зэрэг ажлуудыг хийсэн байна.

Телевиз радиогийн мэдээ, нэвтрүүлэг, сурвалжлаг хийхээс гадна уран сайхны олон арван нэвтрүүлэг бэлтгэж телевизийн олон ангит кино, уран сайхны кино, жүжиг бичиж үзэгчдээс өндөр үнэлгээ авч байжээ. 

2022 онд түүний Утга зохиол урлаг соёл, Радио телевизийн салбарт оруулсан хувь нэмрийг нь үнэлж Монгол Улсын Ерөнхийлөгчийн зарлигаар “Соёлын гавьяат зүтгэлтэн” цол тэмдгээр шагнагджээ.

МОНГОЛЫН МЭДЭЭ СУВГИЙН ЗАХИРАЛ Р.ГАНДИЙМАА

Рэнцэндорж овогтой Гандиймаа нь 2000 онд БНТУ-ын Гази Их Сургуулийг химич, 2006 онд Хэвлэлийн Хүрээлэнг сэтгүүлч мэргэжлээр төгсөж, 2011 онд БНХАУ-ын Бээжингийн Их Сургуульд сэтгүүлзүйн магистрын зэрэг хамгаалсан. 

2002 онд орчуулагч редактораар ажилд орсноос хойш сурвалжлагч, редактор, тоймч, продюсероор шатлан ахисан ба 2017 онд МҮОНТ-ийн захирлаар томилогдон ажилласан. 

2018 оноос хойш Монголын Мэдээ сувгийн захирлаар ажиллаж байна.

ПРОГРАММЫН БОДЛОГО, ЗОХИЦУУЛАЛТЫН ГАЗРЫН ДАРГА Н.БАЙГАЛ

Насанбат овогтой Байгал 1998 онд СУИС-ийг телевиз, киноны найруулагчаар, 2003 онд БНХАУ-ын Бээжин хотын драмын сургуулийг телевиз,кино, театр судлалаар суралцаж төгссөн. 

2023 онд СУИС-ийг урлаг судлалын ухааны магистрын зэрэг хамгаалсан. 1990 онд туслах найруулагчаар ажилд орж улмаар найруулагч, уран сайхны удирдагч, ерөнхий найруулагч, МҮОНТ-ийн Гэр бүл сувгийн захирлын үүрэг гүйцэтгэгч, МҮОНТ-ийн захирлын үүрэг гүйцэтгэгч, 2024 оноос Программын нэгдсэн захиргааны даргыг түр орлон гүйцэтгэгчээр ажиллаж байв.

MNB СПОРТ СУВГИЙН ЗАХИРЛЫН ҮҮРЭГ ГҮЙЦЭТГЭГЧ О.УУГАНБАЯР

Отгонбаяр овогтой Ууганбаяр 2016 онд Мон-Алтиус биеийн тамирын дээд сургуулийг Спортын менежмент, сурталчилгаа үйл ажиллагааны чиглэлээр суралцаж төгссөн.

2023 оны намар тус сургуулийн Спорт ба бизнес чиглэлээр магистрын зэрэг хамгаалсан. 2005 онд анх тв-ийн салбарт ажиллаж эхэлсэн бөгөөд 21 настайдаа Ийгл тв-ийн спортын сэтгүүлчээр 2011 хүртэл ажилласан.

2012-2017 он хүртэл “Монгол масс” спорт бокс сувагт ажиллаж байгаад 2018 оноос МҮОНРТ-ийн “MNB” спорт сувагт ажиллаж байна.

MNB ГЭР БҮЛ СУВГИЙН ЗАХИРЛЫН ҮҮРЭГ ГҮЙЦЭТГЭГЧ Д.ГАЛ-ЭРДЭНЭ

Дашдондог овогтой Гал-Эрдэнэ 2002онд ХБК-ийг төгөлдөр хуур, 2012онд "Хангүгэ пансун чуншинь" сургуулийг найрууллага зүй судлалаар төгссөн.

2024 онд ИЗОУДС-ийг эрх зүйч 2025 онд ИЗОУДС-магистрын зэрэг хамгаалсан. 

2003 онд "Үдшийн хэмнэл" студи найруулагчаар ажилд орж 2017 онд өглөө хөтөлбөрийн продюсер 2024 онд Гэр бүл сувгийн Ерөнхий продюсер MNB-world сувгийн Ерөнхий продюсер 2025 онд Гэр бүл сувгийн захирлын үүрэг гүйцэтгэгчээр ажиллаж байна.

САНХҮҮ, БҮРТГЭЛ, ХӨРӨНГӨ ОРУУЛАЛТЫН ГАЗРЫН ДАРГА А.ЦЭВЭЛСҮРЭН

Авирмэд овогтой Цэвэлсүрэн нь 2004 онд ХААИС-ийн Бизнесийн сургуулийг эдийн засагч мэргэжлээр төгсөж, улмаар 2006-2008 онд Миний дэлгүүр ХХК-д нягтлан бодогч, 2008-2010 онд Монад ХХК-д нягтлан бодогч, 2011-2014 онд Ивээл ХХК-д ерөнхий нягтлан бодогч, 2015-2017 онд Би Энд Би Пикчерс ХХК-д гүйцэтгэх захирлын албыг хашиж ирсэн.

Мөн энэ хугацаанд Удирдлагын академид Бизнесийн удирдлагын магистрын зэрэг хамгаалжээ. 

2024 оны 04-р сарын 10-ны өдрөөс Монголын Үндэсний Олон Нийтийн Радио Телевизийн Санхүү Бүртгэл Хөрөнгө Оруулалтын газарт даргын үүрэг гүйцэтгэгчээр ажиллаж байна.

ТЕХНИК, ТЕХНОЛОГИ ХӨГЖҮҮЛЭЛТИЙН ГАЗРЫН ДАРГА С.СҮХБАЯР

Сүхбаатар овогтой Сүхбаяр нь МУШУТИС-ийн КТМС-ийг 2004 онд төгсөж, улмаар 2004 оноос Мсофт ХХК программистаар ажиллаж байгаад 2007 оноос МҮХОБ нд программист. 

2009 оноос Монгол даатгал ХХК ахлах программист аар тус тус ажиллаж байсан. 2013 оноос Медиа профессионал ХХК гүйцэтгэх захирлаар ажиллаж байгаад 2024 оны 7 сараас МҮОНРТ-д ТТХГ- ын даргын үүргийг түр орлон гүйцэтгэгчээр ажиллаж байгаад 2025 оны 5 сараас МҮОНРТ-д ТТХГ-ын даргаар томилогдон ажиллаж байна. 

Телевизийн техник технологийн салбарт 13 жил ажиллаж гадаад орны шилдэг технологиудыг монголд нэвтрүүлэн ажиллаж байна.